فریج ہر گھر کی بنیادی ضرورت ہے جس طرح ہر گھر میں فریج کا ہونا ضروری ہے اسی طرح سے فریچ کا درست انداز میں کام کرنا بھی ضروری ہے مگر اکثر اوقات جب فریج پرانا ہونے لگتا ہے تو اس کی کولنگ میں کمی واقع ہونے لگتی ہے جس وجہ سے لوگ فریج بدلنے کے لیۓ پر تولنے لگتے ہیں تو آج ہم آپ کو کچھ ایسی ترکیبیں بتائیں گے جن کو آزما کر پرانے فریج سے بھی نۓ جیسی کولنگ حاصل کی جاتی ہے جب کہ اس کے ساتھ ساتھ پرانے فریج کو بھی دیر تک نیا جیسا رکھ سکتے ہیں
پرانے فریج کو نئے جیسا رکھنے کے طریقے
1: فریج کا دروازہ زيادہ دیر تک کھلا نہ رکھیں
فریج کے اندر ایک خاص درجہ حرارت کے مطابق کولنگ کرنے کا انتظام ہوتا ہے مقررہ درجہ حرارت حاصل ہونے کے بعد فریج ایک خودکار نظام کے تحت اس کولنگ کو محفوظ رکھتا ہے
لیکن اگر آپ فریج کا دروازہ کھولتے ہیں تو یہ ٹھنڈک باہر کی طرف چلی جاتی ہے اور فریج کے اندر کا درجہ حرارت بڑھ جاتا ہے جس کے بعد فریج کو زيادہ محنت کر کے اس کو دوبارہ ٹھنڈا کرنا پڑتا ہے
اس وجہ سے اگر فریج کو خراب ہونے سے بچانا ہے تو اس کے دروازے کو زيادہ دیر تک کھلا نہ رکھیں اور بار بار دروازہ کھولنے سے پرہیز کریں اس کے علاوہ اس بات کا بھی خاص خیال کریں کہ فریج کے دروازے پر موجود ربڑ کی سیل بھی خراب یا ڈھیلی نہ ہو
2: فریج میں اسٹیل کے برتن میں سامان نہ رکھیں
فریج کے اندر زيادہ بہتر یہ ہے کہ سامان کو اسٹیل کے برتنوں میں محفوظ نہ کیا جاۓ بلکہ اس کی جگہ شیشے یا پلاسٹک کے برتنوں میں چیزیں محفوظ کی جائیں کیون کہ اسٹیل کے برتن ٹھنڈک کو اپنے اندر کھینج لیتی ہیں اور بجلی کے زیاں کا سبب بن سکتی ہیں
3: فریج میں بہت گرم چیزیں نہ رکھیں
گرم گرم سالن یا دودھ وغیرہ فریج میں اس امید کے ساتھ رکھنا کہ ٹھنڈی ہو جائیں گی فریج کو خراب کرنے کا سبب بن سکتی ہیں اس وجہ سے کسی بھی چیز کو فریج میں محفوظ کرنے سے قبل اس کو کمرے کے درجہ حرارت کے مطابق ٹھنڈا کر لیا کریں
4: فریج میں سامان کو اس کی دیوار سے ہٹا کر رکھیں
فریج میں چیزوں کا ترتیب سے رکھنا بھی اس کی عمر کو بڑھانے کا باعث ہوتا ہے اس وجہ سے فریج میں ہمیشہ چیزوں کو ترتیب سے رکھیں یعنی سبزی کی جگہ سبزی اور انڈوں کی جگہ انڈے رکھیں اس کے علاوہ باقی چیزوں کو رکھتے ہوۓ اس بات کا خیال رکھیں کہ ان کو فریج کی دیوار سے تھوڑا دور کر کے رکھیں ورنہ یہ فریج کی ٹھنڈک میں رکاوٹ کا سبب بن سکتی ہیں
5: فریج کے اندر باہر سے صفائی کا خیال رکھیں
فریج کے اندر بھی ہوا کی آمدورفت کا اور فالتو پانی کی نکاسی کا انتظام ہوتا ہے جو کہ صفائی نہ ہونے کے سبب بند ہو جاتا ہے جس کی وجہ سے فریج کے کولنگ کے عمل کو متاثر کر سکتا ہے
اسی طرح فریج کے پیچھے لگی ہوئی جالیوں پر بھی اکثر دھول مٹی جمع ہو جاتی ہے جو اس کو خراب کر سکتی ہے اس وجہ سے باقاعدگی سے فریج کی صفائی کا اہتمام کریں
6 : فریج کا درجہ حرارت
اکثر افراد کا یہ ماننا ہے کہ فریج کی کولنگ زيادہ رکھنے سے فریج زيادہ بہتر کم کام کرتا ہے جب کہ حقیقت یہ ہے کہ فریج کے نیچے والے حصے کا درحہ حرارت 4 ڈگری سنٹی گریڈ اور اوپر فریزر کا درجہ حرارت 0 ڈگری سنٹی گریڈ تک رکھنا آپ کے فریج کی زندگی کو بڑھا دیتا ہے اس کے ساتھ ساتھ بجلی کے خرج میں بھی بڑی بچت کا سبب ہو سکتا ہے
امید ہے کہ ان تدابیر کی مدد سے آپ اپنے پرانے فریج سے بھی نیا جیسا کام لے سکیں گی اور اس کو سالوں تک نیا جیسا برقرار بھی رکھ سکیں گی