عیدِ قرباں پر مرد حضرات کے خصوصاً وہ پُرانے پُرانے کپڑے نکل کر سامنے آتے ہیں جن کا زکر سالوں سے گھر میں نہیں ہوتا، بس عید کے دن شوہر اکثر اپنی بیگمات کو کہتے ہیں، ذرا وہ پُرانا والا سوٹ تو نکال دو، گوشت کاٹنا ہے، کپڑے خراب نہ ہو جائیں۔ مگر ان پرانے کپڑوں پر بھی خون کے نشانات لگ ہی جاتے ہیں اور کچن میں کھانا بناتے وقت اکثر خواتین یا بچوں کے کپڑوں میں خون کے قطرے لگ جاتے ہیں جن کو صاف کرنا ایک بڑا اہم کام ہے۔
آئیے ٹپس اینڈ ٹرکس کی کچھ اسان ٹپس کو بھی آزمالیں، خون کے نشان یا تو مکمل طور پر ختم ہو جائیں گے یا پھر داغ ہلکے پڑ جائیں گے۔
ٹپس:
٭ روئی کو سرکے میں بھگو کر فوراً خون کی جگہ پر رکھ دیں اور آہستہ آہستہ رگڑیں، اس پر نمک ڈال کر فوری رگڑیں، اس سے نشان ہلکا ہو جائے گا اور اگر خون کم لگا ہوگا تو وہ صاف ہو جائے گا۔
٭ عید پر پپیتا ہر گھر میں موجود ہوتا ہے، پپیتے پر بیکنگ سوڈا چھڑکیں اور خون کی جگہ پر رگڑیں، یہاں آپ سرکہ یا سرف بھی استعمال کرسکتی ہیں۔
٭ ایک کپ گرم پانی میں اگر فینائل کی گولیاں ڈال کر اس میں خون والے کپڑے بھگوئیں تو آدھے گھنٹے میں ہی آپ کے خون والے کپڑوں پر سے داغ ہٹنے لگیں گے، رات پھر یہ عمل کپڑوں سے نشانات کو غائب کردے گا۔۔