بارشوں کے بعد جہاں ہر طرف گندے پانی اور کچرے کے ڈھیر لگ جاتے ہیں وہیں مچھروں کی بھی بھرمار ہوجاتی ہے، پر صرف مچھر ہی نہیں بلکہ اور بھی نسل کے کیڑے باہر نکل آتے ہیں جو گھروں میں انسانوں اور گارڈن میں پودوں کو نقصان پہچاتے ہیں۔
مچھروں کا جسم چونکہ نرم ہوتا ہے اسلیئے لہسن کا رس انکے لیئے زہریلا ہوتا ہے۔ لہسن کی بدبو ان کا پیچھا کرتی ہے جب تک کہ وہ اسے پہچان کے بھاگ نہ جائیں۔ صرف ویمپائر ہی نہیں ہیں جو لہسن کو پسند نہیں کرتے بلکہ کیڑے بھی اسے ناپسند کرتے ہیں۔ لہسن کیڑوں کو آپ کے پودوں کو نقصان پہنچانے والے بیکٹیریا اور نقصان دہ فنگس سے بچاتا ہے۔
تو کیا آپ لہسن کے ساتھ نقصان دہ کیڑوں سے لڑنے کے لیے تیار ہیں؟ تو آئیں پہلے ہم جانتے ہیں لہسن اسپرے بنانے کا طریقہ۔
٭ ایک گلاس پانی میں لہسن کے کچھ جَوئے کچل کے ڈالیں اور ابال لیں، پھر اسے اسپرے بوتل میں بھر کر کمرے، پودوں اور جہاں بھی مچھر یا کیڑے ہوں وہاں اسکا اسپرے کردیں۔ اور آپکو لہسن کی بدبو سے گھبرانے کی ضرورت نہیں ہے کیونکہ وہ تھوڑی دیر میں غائب ہوجائے گی۔
٭ ایک کھانے کے چمچ ناریل تیل میں لہسن کے چار جَوئے کچل کر ڈالیں اور اسے ایک دن کے لیئے رکھ دیں، اگلے دن لہسن چھان کر آئل الگ کرلیں پھر اس تیل میں ایک چمچ ڈش واشر اور ایک گلاس پانی شامل کرکے اسپرے بنالیں۔
اب اسپرے کریں جہاں کہیں بھی آپ کو کیڑے نظر آئیں یا جہاں مچھروں اور کیڑوں کے آنے کا اندیشہ ہو۔ لہسن کا استعمال چھوٹے اڑنے والے اور رینگنے والے کیڑوں کو مارنے اوربھگانے میں موثر ہے۔