سال بھر کا مقدس ترین مہینہ بس صرف ایک دن کی دوری پر ہے۔ رمضان المبارک کی برکتیں، رحمتیں بس آنے کو تیار ہیں لیکن کیا آپ نے اس کی تیاری کر لی ہے؟
اس مہینہ میں گھر کے کام کاج کے ساتھ ساتھ ہمیں اپنا وقت عبادات کو بھی دینا ہوتا ہے، اسی لیے بہت سی خواتین اکثر صفائیاں اور کچن کے کام کاج پہلے ہی کر کے رکھ لیتی ہیں تاکہ اس مہینہ میں وہ دل سے عبادت کر سکیں۔
اس ماہِ مقدس کی تیاری کس طرح کرنی چاہیے؟
ریفریجریٹر کی صفائی
یہ بات ہم سب کے علم میں ہے کہ رمضان المبارک کا چاند نظر آتے ہی مختلف عبادات کا آغاز ہو جاتا ہے، اس کے لیے ضروری ہے کہ ہم گھر کے کام وغیرہ پہلے ہی سر انجام دے لیں، یعنی ایک مرتبہ اس مہینہ کے آغاز سے قبل کچن کی چیزوں کو لازمی دیکھ لیا جائے۔ ہمیں اپنا ریفریجریٹر لازمی دیکھ لینا چاہیے، اس کو صاف کر لینا چاہیے تاکہ افطاری کے لوازمات پہلے سے بنا کر محفوظ کیے جا سکیں، اس سے آپ کا وقت کم ضائع ہوگا۔
کچن کیبنیٹس
اپنے کچن کے کیبنیٹس وغیرہ بھی لازمی دیکھیں، ان کو صفائی کی ضرورت ہو تو انہیں اچھے طریقے سے صاف کریں۔ جو اشیاء ان میں فضول ہوں انہیں پھینک دیں اور بہت ہی مخصوص اور ضرورت کی اشیاء ہی استعمال کے لیے رکھیں۔
ہوم اپلائنسس
اپنے کچن کی ہوم اپلائنسس کو اچھی طرح دیکھ لیں، کچھ خراب ہو تو فوراً ٹھیک کروا لیں، تاکہ رمضان میں کسی قسم کی مشکل نہ ہو سکے۔ اس مہینہ میں جتنا ممکن ہو سکے گھر میں بنائی گئی اشیاء ہی سحر و افطار کے لیے استعمال کریں، باہر کی چیزیں کھانے سے پرہیز کریں۔
مخصوص پلاننگ
ایک اور انتہائی ضروری اور اہم بات، اپنے اوقات کو درست طریقے سے مینج کریں، آپ نے کس وقت سونا ہے کس وقت اٹھنا ہے، کس وقت قرآن شریف کی تلاوت کرنی ہے، کس وقت افطاری کی تیاری شروع کرنی ہے، یہ سب پلاننگ پہلے سے ہی کر لیں تاکہ آپ کا ذہن اسی حساب سے سیٹ ہو جائے اور روز آپ کے کام بھی وقت پر ہو جائیں۔
اچھی غذا کا استعمال
سحر و افطار میں ان اشیاء کو اپنی غذا کا حصہ بنائیں جو آپ کی صحت کے لیے اچھی ہوں، اپنی خوراک میں سبزیوں اور پھلوں کو لازمی شامل کریں۔