روٹی کھائے بغیر بھوک نہیں مٹتی اور اس کو بنانے کے لئے پہلے آٹا گوندھو، پیڑے بناؤ، اس کو بیلو پھر روٹی بناؤ، کبھی روٹی صحیح بنے اور کبھی اس کی شیپ خراب ہو جائے، کبھی زیادہ جل جائے تو کہیں ایک سائیڈ کچی رہ جائے، روٹی بنانے کے بھی بڑے مسئلے ہیں اور وہ جن کو روٹی بنانی نہیں آئے وہ بیچارے سوچتے رہ جائیں کہ کیسے روٹی کو بنائیں کیونکہ یہ سب سے مشکل کام ہے، اگرچہ سالن میں تو سب کچھ ایک ساتھ ڈال کر پکا لیا جاتا ہے لیکن روٹی نہیں بن سکتی ایسے۔
آج ہم آپ کو بتانے جا رہے ہیں روٹی بنانے کے کچھ ایسے طریقے جو آپ کو جلدی ہی روٹی بنانے میں مدد دیں گے، وقت تو ہر کام میں لگتا ہے لیکن روزانہ پریکٹس کرنے سے روٹی اچھی طرح بنانی آ جائے گی۔
لکڑی کے روٹی میکر:
٭ آٹا گوندھنے کے بعد لکڑی کے اس روٹی میکر میں اس کو کسی بھی طرح بیل کر رکھ دیں اور اس کا ہینڈل یوں دبا دیں، پھر اس کو کھولیں آپ کو روٹی کی مکمل شیپ بنانے کے لئے بار بار اس کو بیلنا نہیں پڑے گا، یہ آپ کا کام کم وقت میں اور آسانی سے کردے گا۔
بغیر گوندھے روٹی:
٭ آٹا گوندھنے کا وقت نہیں مگر روٹی بھی فوری بنانی ہے تو اس کے لئے گھبرانے کی ضرورت نہیں ہے، بس ایک پیالے میں چار چمچ کے برابر پانی اور دو چمچ آٹا ڈالیئے اور اچھی طرح مکس کرکے گاڑھا پیسٹ تیار کرلیں اور بس اس کو چمچ کی مدد سے توے پر پھیلالیں، لیجیئے آپ کی مرضی کی گول یا چکور روتی بن کر تیار ہو جائے گی۔
الیکٹریکل روٹی میکر:
٭ الیکٹریکل روٹی میکر بھی مارکیٹ میں دستیاب ہے، بس اس میں آپ گوندھا ہوا آٹا رکھیے اور بٹن دبا دیں، خؤد بخود بناء روٹی کا پیڑہ بنائے آپ کی لذیذ روٹی بنا کر تیار ہو جائے گی۔