ساگودانہ بہت زیادہ غذائیت سے بھرپور ہے اور اس میں مکمل ملٹی وٹامنز اور فری کولیسٹرول ڈائٹیٹیل انزائمز ہوتے ہیں جو اس کو فوائد سے بھرپور بناتے ہیں۔ جب بھی کوئی بیمار ہو تو اس کو ساگو دانہ پکا کر دے دیا جاتا ہے تاکہ وہ توانائی سے بھرپور غذا کھا کر جلدی ہی صحتیاب ہوں۔

عموماً گھروں میں اس کو دھو کر دودھ میں پکایا جاتا ہے۔ لیکن آج ہم آپ کو ایسی منفرد ریسیپی بتانے جا رہے ہیں جس کو جاننے کے بعد آپ ضرور پکاکر کھانے کا سوچیں گے اور ایک نئے انداز کی یہ ریسیپی گھر والے بھی کھا کر آپ کی تعریف لازمی کریں گے۔

سب سے الگ ساگودانہ ریسیپی:

سب سے پہلے ساگودانے کو اچھی طرح دھو کر خشک کرلیں۔ اب ایک کڑائی میں تیل جو اچھی طرح گرم کریں اور اس میں ساگودانے کو تلیں، مگر دھیان رکھیں کے چمچ چلاتی رہیں ورنہ یہ آپس میں چپک جائیں گے۔ اس کے ساتھ ہی آپ پیاز کے باریک ٹکڑے کاٹ کر ڈالیں، دو ہری مرچیں باریک کٹی ہوئی، حسبِ ضرورت ٹماٹر اور گوبھی کے باریک ٹکڑے کرکے ڈالیں اور اچھی طرح بھون لیں۔ جب آپ دیکھیں کہ یہ براؤن ہوگیا ہے تو اس میں ایک لہسن کا جوہ اور آدھا چمچ رائی دانہ ڈال کر دو سے تین منٹ دم دے دیں۔ لیجیئے مزیدار اور ذائقے سے بھرپور ساگودانہ تیار ہوگیا ہے۔

اب اس کو وہ لوگ بھی کھانا پسند کریں گے جن کو یہ دودھ میں پکا ہوا نہیں پسند۔