سبزی ہو یا پھل ان کو دھو نے کے بعد چھیلنا پڑتا ہے جو کہ سب سے بڑا اور اہم کام ہے کیونکہ بعض اوقات چھلکوں میں مٹی یا جراثیم لگے رہ جاتے ہیں اور یہ ہمارے کھانے میں شامل ہو جاتے ہیں اس کی وجہ سے اکثر پیٹ درد اور دیگر مسائل بھی ہو جاتے ہیں۔ آج کے زمانے میں سبزیاں اور پھلوں کو چھیلنے کے لئے چھری کا استعمال بے شک بہت عام ہے مگر چھری سے چیزوں کو چھیلنے سے ہاتھ کٹ بھی جاتا ہے۔ اس لئے آج وومن کارنر سے جانیئے بغیر چھری کے سبزیوں کو چھیلنے کا ایک آسان طریقہ جس سے آپ کا وقت بھی بچے گا اور سخت سے سخت چھلکے بھی آسانی سے اُتر جائیں گے۔

ٹپ:

٭ پیلرز:

۔ پیلرز آج کل خواتین کی بڑی مشکل آسان کر رہا ہے۔ آپ بھی 250 روپے کا پیلر گھر میں لے آئیے اور تمام طرح سبزیوں اور پھلوں کے سخت سے سخت چھلکوں کو سیکنڈز میں چھیل لیں۔

- پیلرز کا ایک اور فائدہ یہ بھی ہے کہ اگر آپ کو کسی چیز کا چھلکا باریک اتارنا ہے تو آپ پیلر کو ہلکے ہاتھ سے استعمال کریں اور اگر موٹا چھلکا اتارنا ہے تو سختی سے پیلر کو پکڑیں اور چھیل لیں۔

- پیلرز سے چھیلنے کا ایک اور فائدہ یہ بھی ہے کہ جب آپ کسی بھی رس دار سبزی یا پھل کو چھیلتے ہیں تو اس سے نکلنے والا پانی آپ کی آنکھوں میں نہیں جاتا۔