آج کل ہر دوسری خاتون کھانا بہت اچھا اور مزیدار بنا لیتی ہے جس سے ذائقے کے معیار میں تو کسی طور کمی نہیں آتی، لیکن کچھ ایسی چیزیں بھی ہوتی ہیں جن سے کھانے کے ذائقے پر بڑا فرق پڑتا ہے۔ اب جیسے کھانے میں نمک زیادہ ہو جائے تو اچھا بھلا کھانا کھانے کا دل نہیں چاہتا ہے اس کے علاوہ اکثر مرد حضرات اس بات پر اعتراض کرتے ہیں کہ کھانے میں آئل کیوں زیادہ ہوگیا؟ اور پھر خواتین کو یہ تو ضرور ہی سننا پڑتا ہے کہ کیسا کھانا بنایا ہے؟ پوری پلیٹ میں آئل تیر رہا ہے یہ کیا کردیا؟ وغیرہ وغیرہ ۔۔ اگر آپ کے ساتھ بھی ایسا ہُوچکا ہے تو یقیناً اس ٹپ کو جاننے کے بعد آپ کے کھانے میں ہونے والا زیادہ آئل منٹوں میں کم ہو جائے گا۔
آج ہم آپ کو بتانے جا رہے ہیں شیف مبشر صدیقی کی بتائی ہوئی ایسی گھریلو ٹپس جو کھانا بناتے وقت خواتین کے خوب کام آئیں گی:
ٹپ:
٭ برف کا ایک ٹکڑا لیں اور اس کو سالن کی پتیلی میں بالکل اسی جگہ پر اوپر کرکے رکھیں جہاں آئل موجود ہے اور اس برف کو تھوڑے تھوڑے آئل میں ڈبوئیں، اس پر آئل خود بخود جم کر چپکنے لگے گا اور آپ برف پر جمے ہوئے اس آئل کو صاف کرتی رہیں اور جب تک آئل کم نہ ہو آپ یہی عمل دہرائیں۔ آپ خود غور کریں گی کہ اس سے کھانے کے ذائقے میں کوئی فرق نہیں پڑے گا اور آپ جلد ہی اضافی آئل کو کنٹرول کرسکیں گی۔
٭ کھانے کا ذائقہ بڑھانے کے لیے اس میں سارا گرم مصالحہ پیس کر پاؤڈر کی شکل میں شامل کریں اس سے نہ تو گرم مصالحہ ضائع ہوگا اور نہ ہی پھینکنا پڑے گا بلکہ کھانے میں بآسانی ہر چیز کا ذائقہ محسوس ہوگا۔