سموسے بنانے ہوں یا رول ہر گھر میں خواتین سموسے کی چھوٹی اور رول کی بڑی پٹیاں لا کر رکھتی ہیں یا پھر گھر میں بھی بنا کر رکھ لیتی ہیں، مگر گھر کی بنی ہوئی پٹیوں میں نرماہٹ زیادہ آ جاتی ہے، جس سے فرائی کرتے ہوئے پٹیاں کھل جاتی ہیں، ایسے میں وومن کانر کی یہ ٹپ آپ کے لئے بہت کارآمد رہے گی۔

سموسہ پٹی بنانے کی ٹپ:

ایک کپ میدہ اور ایک کپ آٹے کو اچھی طرح گوندھ لیں اس میں دو چمچ نمک، پسا ہوا ایک چمچ زیرہ، ایک کپ پانی اور اتنا ہی آئل ڈال کر گوندھ لیں

چھوٹے پیڑے بنا کر باریک روٹی بیلیں اور چھری کی مدد سے کاٹ کر ایک چوکور نما پیڑا کاٹ کر رکھ لیں

ایک پلاسٹک پر تھوڑا سا گھی لگائیں اور اس پر یہ بیلے ہوئے پیڑے رکھ دیں۔

لیجئے سموسہ پٹی تیار ہے ۔ اب جب چاہیں قیمہ یا آلو کا مصالحہ ڈال کر سموسے تیار کرلیں۔

رول پٹی بنانے کی ٹپ:

رول پٹی بنانے کی ترکیب بلکل سموسہ پٹی کی ترکیب سے یکساں ہے، اس کی پٹی چوڑائی میں کم لیکن لمبائی میں زیادہ بیلی جاتی ہے، اس میں میدے کا استعمال زیادہ ہوتا ہے۔ آپ بھی بنائیے اور ٹپس سے فائدہ اٹھائیے!

محفوظ رکھنے کی ٹپ:

٭ ان پٹیوں کو ایک پلاسٹک کی تھیلی میں رکھیں لیکن اس میں ہلکا سا آئل کا سپرے کر لیں اور پھر اس کو کسی گیلے کپڑے میں رکھ کر فریج میں رکھ لیں، یہ بلکل محفوظ ہو جائیں گی۔