ٹھنڈ کا موسم آتے ہی گھروں میں خواتین گرم کپڑے نکال لیتی ہیں کیونکہ گھر والوں کی صحت کا خیال ان سے زیادہ کوئی نہیں رکھ سکتا۔ گرم کپڑے نکالنے کے بعد ان کو دھونا پڑتا ہے کیونکہ اکثر اوقات ان میں سے بدبو آنے لگتی ہے جو زیادہ وقت تک بند رکھنے کی وجہ سے ہو جاتی ہے۔
ہماری ویب آپ کو بتا رہا ہے ان گرم کپڑوں کی بدبو کو ختم کرنے کے لئے اتنی آسان ٹپس جو کپڑوں کو چمکائیں اور لمبے عرصے تک نئے جیسا رکھیں۔
ٹپ 1:
٭ دوپہر کے وقت کپڑوں کو چھت پر یا کھلے آسمان کے نیچے سُکھا دیں تا کہ سورج کی تپش سے کپڑے میں موجود ہر طرح کی بدبو ختم ہوجائے۔
ٹپ 2:
٭ ایک پلاسٹک بیگ میں آدھا چمچ بیکنگ سوڈا ڈالیں اور اس میں سارے گرم کپڑے ڈال کر ایک سے دو گھنٹے کے لئے بند کر دیں، اس کے بعد جب آپ ان کپڑوں کو نکالیں گے تو ساری بدبو ختم ہوجائے گی۔
ٹپ 3:
٭ ایک بوتل میں تھوڑا سا پرفیوم اور پانی مکس کریں اور اس کو اچھی طرح ہلا کر کپڑوں میں اس کا اسپرے کردیں، اس سے بھی بدبو ختم ہوجائے گی۔