چنے کے سموسے:

موزریلا چیز حسبِ ضرورت

کالی مرچ آدھا ٹی اسپون

چنے ابال لیں ایک پیالے میں ڈال کر اس میں لیموں نچوڑ دیں۔ موزریلا چیز آپ اپنی پسند کے مطابق زیادہ یا کم لے سکتے ہیں۔ ایک الگ پیالے میں موزریلا کدوکش کر لیں اس میں کالی مرچ نمک حسبِ ضرورت ڈالیں اور مکس کر لیں۔ اب سموسے کی پٹی لیں اسمیں پہلے تھوڑا سا موزریلا چیز ڈالیں پھر چند دانے چنے کے ڈالیں اور پھر موزریلا ڈالیں اور اس کو فولڈ کرلیں۔ کناروں پر آٹے یا میدے کی لئی بناکر لگائیں تاکہ سموسے کھلیں نہیں۔واضح رہے کہ یہ ون بائٹ سموسے بنیں گے، اس لئے پٹی چھوٹی لی جائے گی۔آپ کے سموسے تیار ہیں ،افطار کے وقت گرم گرم فرائی کریں یا رمضان کے علاوہ بھی شام کی چائے کے ساتھ اسنیک کے طور پر کھائے جاسکتے ہیں۔

آلو کے سموسے:

میدہ آدھا کلو

اجوائن آدھا ٹی اسپون

گھی 2 ٹیبل اسپون

سموسے

نمک 2 ٹی اسپون

ہلدی آدھا ٹی اسپون

ہرا دھنیا ایک مٹھی

زیرہ کٹا ہوا 2 ٹی اسپون

آلو ابال کر میش کر لیں اس میں یہ سارے مصالحے ڈال دیں اور اچھی طرح مکس کر لیں۔ جب یک جان ہو جائیں تو ایک پیالے میں نکال لیں۔ اب گوندھے ہوئے آٹے کے چھوٹے چھوٹے پیڑے بنائیں اور اس کی چھوٹی سی روٹی بیل لیں اب اس روٹی کے پیچ میں سے چوڑائی کے رخ پر دو حصے کر لیں اور اس حصے کو فولڈ کر کے اس میں بنایا ہوا مصالحہ بھر دیں۔اور کناروں پر ہلکا سا پانی لگا کر دبا دیں ،مزیدار سموسے تیار ہیں کھاتے وقت گرم گرم فرائی کریں اور افطار کا لطف اٹھائیں۔