سلائی مشین پاکستانی گھرانوں میں استعمال ہونے والی ایک عام مشین ہے اور اکثر خواتین اپنے کپڑوں کی چھوٹی موٹی سلائی خود ہی کرلیتی ہیں اور کچھ خواتین تو گھروں میں ہی کپڑے سیتی ہیں تاکہ ان کو روزگار بھی مل جائے اور کسی کی مدد بھی ہو جائے۔
جو خواتین گھر میں کپڑے سیتی ہیں انھیں اکثر مشین سے متعلق مسئلوں کا سامنا کرنا پڑتا ہے اور ٹھیک کروانے کیلیئے کسی کاریگر کو بلانا پڑتا ہے یا پھر دکان پر صحیح کروانے دینا پڑتا ہے، اور اصل میں مسئلہ اتنا بڑا نہیں ہوتا جتنا کاریگر پیسے لے لیتا ہے۔ اسلیئے آج ہم آپ کو بتائیں گے کہ گھر بیٹھے آپ خود کیسے اپنی مشین ٹھیک کرکے اپنے ہزاروں روپے بچا سکتی ہیں۔
سب سے پہلے پیچ کَس کی مدد سے مشین میں سلائی کی جگہ پر لگا ہوا اُسکا پیر کھولیں، پیر کھولنے کے بعد اسکی پٹری کھولنے کیلیئے وہاں دو اِسکُرو لگے ہونگے انہیں بھی کھول کر نیچے لگی پلیٹ نکال لیں۔ اب سب سے پہلے انگلی سے چیک کریں کہ جس سوراخ میں سوئی ڈالی جاتی ہے وہ کُھردُرا تو نہیں اگر اس میں خراش محسوس ہو تو آپکو کرنا یہ ہے کہ، ریگ مال کا ایک ٹکڑا لے کر اسکی مدد سے اس جگہ کی گھسائی کریں اور اس وقت تک گھسیں جب تک کہ پلیٹ کی سطح ہموار نہ ہوجائے۔ اب اس پلیٹ کو واپس اسکی جگہ پر لگا کر دونوں پیچ لگانے کے بعد اسکا پاؤں بھی لگادیں۔ جب یہ سب ہوجائے تو مشین سے سلائی لگا کر چیک کرلیں کہ اب تو اس میں کھچاؤ نہیں۔ اس عمل کو مزید اچھے سے سمجھنے کیلیئے آپ نیچے لگی ویڈیو دیکھ سکتی ہیں۔
سلائی کرتے وقت اگر کپڑے میں نیچے کی طرف سے دانہ محسوس ہو تومشین پر لگی چوڑیوں کو دو سے تین بار ٹائٹ کرلیں اور اگر دانہ اوپر کی جانب سے محسوس ہوتو دو تین چوڑیاں ڈھیلی کر دیں۔ اس سے آپکا یہ مسئلہ بھی حل ہوجائے گا۔
ویسے تو یہ مسئلہ تب ہوتا ہے جب مشین کے اندر لگی چھوٹی سی دھاگے کی ڈبی کا دھاگہ بہت زیادہ ٹائٹ یعنی کَس جاتا ہے یا پھر کافی ڈھیلا ہوجاتا ہے، اس صورت میں مشین چلتے چلتے دھاگہ ٹوٹ جاتا ہے۔
سلائی مشین کی سلائی اکثر خراب ہو جاتی ہیں کبھی اوورلیپ کرنے لگتی ہے تو کبھی درمیان سے دھاگی توڑ دیتی ہے اور پھر جب اسکے اوپر دوبارہ سلائی کی جائے تو وہ نشان چھوڑ دیتی ہے۔ یہ مسئلہ اکثر درپیش آتا ہے کیونکہ بعض اوقات مشین کی دھاریں خڑاب ہو جاتی ہیں تو کبھی سوئی کی نوک میں کپڑا اندر جکڑ جاتا ہے جس سے نہ صرف سلائی خراب ہوتی ہے بلکہ کپڑا بھی خراب ہو جاتا ہے۔ مشین کی سلائی کو سیٹ کرنے کے لیے ویڈیو میں آپ کو کاریگر والا طریقہ بتایا جا رہا جس کی مدد سے آپ گھر بیٹھے اپنی مشین کی سلائی کو خود ٹھیک کرسکتی ہیں۔
جب آپ بابن میں دھاگہ ڈالیں تو ایک مرتبہ دھاگے پر مشین کا تیل ہلکا سا لگا لیں اور کھینچ کر دھاگہ ڈالیں جس سے رگڑ بھی ہوگی اور سلائی بھی ٹھیک آئے گی لیکن بہت زیادہ تیل نہ لگائیں ورنہ کپڑے پر تیل کا دھبہ پڑ سکتا ہے۔