خواتین کے پاس جہاں بناؤ سنگھار کی بے شمار چیزیں ہوتی ہیں وہیں انکی دیکھ بھال کرنا اور ان کو خراب ہونے سے بچانا بھی انکے ذمہ ایک مشکل کام ہے۔

آرٹیفیشل جیولری تو خواتین پھر بھی پرانی یا خراب ہونے کے بعد دوسری خرید لیتی ہیں لیکن سونا چاندی آج کے دور میں خریدنا آسان نہیں ہے، خاص کر سونا بنوانا تو ایک عام انسان صرف سوچ ہی سکتا ہے۔

خیر آج ہم اسی حوالے سے ایک بہت ہی کمال کی اور نہایت ہی آسان ٹپ لیکر آئے ہیں، جس سے آپ کے چاندی کے زیورات اور چمچ وغیرہ (جن کا رنگ خراب ہوگیا ہو) جیسی دوسری چیزیں پھر سے چمکا جائیں گی۔ تو آئیے شروع کرتے ہیں

چاندی کی جیولری چمکانے کا طریقہ:

۔ سب سے پہلے ایک برتن میں تھوڑا پانی ڈال کر اسے گرم کرلیں اور پھر اس میں چاند کی جیولری یا چمچ وغیرہ ڈال دیں

۔ اسکے بعد اس میں تھوڑا سا ٹوتھ پیسٹ ڈال کر اچھے سے ہلائیں اور پانی کو ابال آنے دیں

۔ اب اس میں 1 چمچ بیکنگ سوڈا، 1 چمچ سرکہ اور 1 چھوٹی سی فوائل کی گولی یا پیپر شامل کر کے مزید 3 سے 4 منٹ پکائیں

۔ چولہا بند کر کے پانی کو ٹھنڈا کرلیں، پھر برش کی مدد سے ہکا سا صاف کرلیں۔ کیونکہ سارا میل کچیل پہلے ہی نرم ہو کر نکل چکا ہوگا اور جو بچا ہوگا وہ برش سے صاف ہوجائے گا۔