آج کل سردیوں میں سب سے بڑا مسئلہ ہی گرم پانی کا حصول ہے، کیونکہ گیس تو آتی نہیں ہے اور اگر آ بھی جائے تو وہ نہ ہونے کے برابر ہوتی ہے جس سے نہ کھانا بن پائے نہ ہی پانی گرم کیا جائے۔
بہت سے لوگ سردیوں میں گیزر کا استعمال کرتے ہیں پر بات وہی ہے کہ زیادہ تر گیزر گیس سے چلتے ہیں، اور اب جو نئے مارکیٹ میں آئے ہیں ان میں یہ آپشن ہے کہ وہ بجلی سے بھی چل سکتے ہیں پر ان میں بل زیادہ آنے کا خطرہ ہے۔
مگر آج ہم آپ کو ایک ایسے گیزر کا بتا رہے ہیں جس کیلیئے گیس کی کوئی ضرورت درکار نہیں ہے بلکہ یہ آپکے پرانے گیزر کی طرح نہ زیادہ جگہ لے گا اور نہ ہی ماڈرن گیزر کی طرح زیادہ بجلی۔
تو آئیے شروع کرتے ہیں اور اسکے بارے میں آپ کو تفصیل سے بتاتے ہیں
چھوٹا انسٹینٹ الیکٹرک واٹر ہیٹر:
۔ اس ہیٹر کی خاصیت یہ ہے کہ یہ سائز میں کافی چھوٹا ہے، اسے آپ جب چاہیں جس بھی باتھ روم یا کچن کے نل میں لگا سکتے ہیں۔
۔ یہ چھوٹا ہونے کی وجہ سے بڑے الیکٹرک ہیٹر کے مقابلے میں کم بجلی لیتا ہے کیونکہ اس میں آن آف کا بٹن ہے جب استعمال کرنا ہو آن کرلیا اور جب کام ہوجائے تو بند کردیا، جبکہ بڑے گیزر کو آن ہی رکھنا پڑتا ہے۔
۔ اسے آن کرتے ہی 4 سے 5 سیکنڈ میں نل سے گرم پانی آنا شروع ہوجائے گا۔
۔ اس کی تار کو نل کے سائیڈ پر جہاں بورڈ لگا ہو وہاں لگا دینا ہے۔
اس انسٹینٹ واٹر ہیٹر کی قیمت 5 ہراز روپے ہیں، جسے آپ پورے پاکستان میں کئی سے بھی آرڈر کرسکتے ہیں۔
اسکے علاوہ بھی مارکیٹ میں کئی نئے گیزر آئے ہیں جو اسی کی طرح چھوٹے سائز کے ہیں