رمضان کی آمد سے قبل اکثر گھروں میں خواتین باہر کے کھانے پینے کی اشیاء کو استعمال کرنے کے بجائے خود گھر میں رول اور سموسے بنانے کو ترجیح دیتی ہیں، لیکن یہ شکایت کرتی ہیں کہ رول اور سموسے ڈیپ فریزر سے نکالنے کے بعد پانی چھوڑ دیتے ہیں ٹوٹ جاتے ہیں اور خراب ہو جاتے ہیں۔
ایسے میں انہیں دیل میں بتائی گئی ٹِپ استعمال کرنی چاہیئے جس سے نہ ہی رول اور سموسہ خراب ہو گا اور نہ ہی اس سے پانی نکلے گا، بلکہ رول اور سموسے ڈیپ فریزر سے نکالنے کے بعد بھی تازہ ہی رہیں گے۔
ٹپ:
• رول اور سموسے کی سبزی کو کاٹنے سے پہلے دھو کر سوکھنے دیں۔
• کبھی بھی سبزیوں کو کاٹنے کے بعد نہ دھوئیں۔
• جب سبزیاں کاٹ لیں تو انہیں کسی سوتی یا ململ کے کپڑے میں ڈال کر نچوڑ لیں، انہیں کپڑے میں ڈال کر ہلکا ہلکا دبائیں کہ اس میں موجود پانی جائے۔
• اس کے بعد انہیں کسی تھالی میں نکال کر سوکھنے دیں۔
• پھر انہیں بہت معمولی سے تیل میں فرائی کر لیں۔
• اس کے بعد آپ ان سبزیوں کو رول بنانے میں استعمال کریں یا سموسہ ڈیپ فریزر سے نکالنے کے بعد یہ کبھی پانی نہیں چھوڑیں گے اور نہ ہی ٹوٹیں گے۔