خواتین ٹماٹروں کے سستا ہونے کا انتظار کرتی رہتی ہیں مگر جب ٹماٹر سستے ہو جاتے ہیں تو یہ ان کو گھر میں محفوظ صحیح سے نہیں کر پاتی ہیں جس کا ان کو بڑا نقصان اٹھانا پڑتا ہے۔ آج ہماری ویب سے جانیئے چند ایسے آسان اور گھریلو طریقے جو ٹماٹروں کو محفوظ کرنے میں آپ کی بھی بڑی مدد کرسکتے ہیں۔

ٹپس:

٭ فریزر:

ٹماٹروں کو اچھی طرح دھو کر خُشک کریں اور فریزر میں کُھلا رکھ دیں، دھیان رکھیں ان پر کوئی اور چیز نہ رکھیں، یہ ایک ماہ تک بلکل تازہ رہیں گے۔

٭ پیسٹ:

ٹماٹروں کو دھو کر کاٹیں اور ان کو بلینڈر میں ڈال کر بلینڈ کریں، ایک پیسٹ تیار ہو جائے گا اس کو برنی میں بھر کر رکھ لیں، جب بھی کھانا بنائیں اس کو ڈال لیں۔

٭ کیچ اپ:

آپ اپنے گھر میں خود ہی کیچ اپ بنا کر رکھ سکتے ہیں۔ اس کے لئے ٹماٹروں کو دھو کر صاف کریں ان کو چھیلیں اور ایک پتیلی میں ڈالیں اور ایک گلاس پانی دو چمچ ٹاڑی پاؤڈر اور نمک ڈال کر آئل میں بھونیں۔ لیجیئے کیچ اپ تیار ہو جائے گا اب کیچ اپ کے پیسے بھی بچ جائیں گے اور ٹماٹر بھی استعمال میں آ جائیں گے۔

٭ کاغذ:

  ٹماٹروں کو دھو کر خُشک کریں اور ایک کاغذ میں رکھ کر بند کرلیں، پھر اس کو چاہے تو فریزر میں رکھ لیں یا پھر کسی کھلی جگہ میں، آپ کے ٹماٹر خراب نہیں ہوں گے۔