ایک طرف جہاں خواتین کو گھر میں اتنے سارے کام ہوتے ہیں وہیں دوسری طرف مرد حضرات اور بچوں کے کھانے میں نخرے ختم ہی نہیں ہو رہے ہوتے ہیں، کبھی نمک اوپر نیچے ہوجائے تو مسئلہ کبھی روٹی جل جائے یا کچی رہ جائے تو اس میں مسئلہ، عورتیں بچاری اسی فکر میں لگی رہتی ہیں کہ کہیں کچھ گڑ بڑ نہ ہوجائے۔
اکثر دیکھنے میں آتا ہے کہ جب کبھی روٹی جل جائے تو اس جلی ہوئی روٹی کو کوئی ہاتھ نہیں لگا رہا ہوتا اور آخر میں وہ پھینکنے میں یا بھوسی ٹکڑے میں چلی جاتی ہے۔ روٹی جلنے کی سب سے اہم وجہ توّا اور اس پر جمی کالک ہوتی ہے جس سے روٹی چپک کر جل جاتی ہے۔
تو آج ہم آپ کو ایک ایسی ٹپ بتائیں گے جس کو آزمانے کے بعد آپ کا توّا بلکل صاف ہوجائے گا اور روٹی جلے گی بھی نہیں۔
ٹپ:
روٹی بنانے کیلیئے جب بھی آپ توّا گرم کریں تو، گرم توّے پر سب سے پہلے تھوڑا سا نمک ڈال دیں۔ نمک ڈالنے کے بعد آپ اسے کچن کے کپڑے کی مدد سے ایک منٹ تک اچھے سے رگڑیں پھر نمک ایک طرف سے نکال کر توّے کو صاف کرلیں اور اس کے بعد روٹیاں بنائیں۔
اس طریقہ کار پر عمل کرنے کے بعد آپ کی روٹی نہ ہی چپکے گی اور نہ ہی جلے گی۔