بکرا عید آنے والی ہے اور پہلے سے مصالحے تیار کر کے رکھنا بہت ضروری ہے تو آج ہم آپ کے لئے لائے ہیں مزیدار بار بی کیو مصالحہ بنانے کا طریقہ جس کو آپ گھر میں ہی بنا کر استعمال کر سکتی ہیں اور جب چاہیں اس کو گوشت پر لگائیں اور مزیدار تکہ بوٹی بنائیں۔
اجزاء
ایک کلو گوشت کے لئے:
10 سے 11 سُرخ لال مرچ
جائفل کا ٹکڑا 1 عدد
لونگ 4 عدد
ادرک پاؤڈر 1 کھانے کا چمچ
بادیان کا پھول 1 عدد
سفید زیرہ ایک کھانے کا چمچ
ثابت کالی مرچ ایک چائے کا چمچ
کالا زیرہ ایک کھانے کا چمچ
دار چینی 2 عدد
سونف ایک کھانے کا چمچ
زردے کا رنگ ایک چٹکی
• ترکیب
بتائے گئے تمام اجزاء کو توے پر ہلکا سا بھون لیں، پھر اسے ٹھنڈا کر کے گرینڈر میں ڈال کر پیس لیں اور یکجان مصالحہ بنا لیں، سب سے آخر میں اس میں زردے کا رنگ ڈالیں، اب اسے کسی ڈبیا میں بھر کر رکھ لیں اور جب بھی بار بی کیو کریں تو اس میں دہی شامل کر کے گوشت پر لگا دیں اور 2 گھنٹے کے لئے رکھ دیں، اگر گوشت ایک کلو سے زیادہ ہو تو مصالحوں کو ڈبل مقدار میں بڑھا لیں۔