واش روم میں کھارے پانی کے پیلے داغ اور باورچی خانے میں چکنائی کی وجہ سے فرش اور دیواروں کے ٹائلز خراب ہو جاتے ہیں اور گندے ہو جاتے ہیں، اکثر خواتین اس پر تیزاب ڈال کر ان کی اصل چمک کو ختم کر دیتی ہیں اور یہ بے رونق ہو جاتے ہیں۔
آج ہم آپ کو زبیدہ آپا کا بتایا ہوا ایسا طریقہ بتانے والے ہیں جس سے واش روم اور کچن دونوں کے ٹائلز چمک جائیں گے اور ایک دم صاف ہو جائیں گے ساتھ ہی ان کی اصل چمک پر بھی کوئی فرق نہیں پڑے گا چلیں تو پھر فوری یہ ٹپ جان لیتے ہیں۔
واش روم اور کچن کے ٹائلز صاف کرنے کا طریقہ
• دو سے تین چمچ بھر کے میٹھا سوڈا لیں اس میں لیکوئیڈ واشنگ سوپ شامل کریں۔
• اب ان دونوں کا کانٹے کی مدد سے اچھی طرح پھینٹ لیں۔
• پھر اس محلول کا ٹائلز پر ڈال کر 2 گھنٹے کے لئے چھوڑ دیں۔
• اب برش کی مدد سے اچھی طرح ٹائلز کو رگڑیں۔
• کناروں کو اچھی طرح رگڑیں۔
• اب ایک بالٹی نیم گرم پانی میں سفید سرکہ ڈالیں اور اس پانی سے اچھی طرح پورے واش روم اور کچن کو دھو لیں۔
• اس سے ٹائلز، موزیک اور ماربل ہر طرح کے فرش اور دیواروں کو باآسانی صاف کیا جا سکتا ہے۔