لوہے کی استری کی نچلی سطح اکثر جل جاتی ہے جس سے کپڑوں پر بھی سیاہ دھبے پڑجاتے ہیں. یہ داغ آسانی نہیں جاتے اس لئے آج ہم آپ کو کپڑوں سے جلنے کے نشانات مٹانے کے کچھ ٹپس بتا رہے ہیں.
سب سے پہلے یہ یاد رکھیں کہ جتنی جلدی آپ داغ کا علاج کریں گے، اتنا ہی بہتر ہے۔
موٹے کپڑے کو گیلا کر کے داغ پر پھیریں تاکہ اضافی سیاہی نکل جائے.
سفید سرکہ کو پانی میں ملا کر کریں اور اسے داغ پر لگائیں۔ تقریباً 10 منٹ تک ایسے ہی چھوڑ دیں۔
یا پھر بیکنگ سوڈا اور پانی کے ساتھ پیسٹ بنائیں، اور اسے داغ پر لگا کر دس منٹ کے لئے چھوڑ دیں.
آدھے گھنٹے بعد کپڑے کو سرف سے دھو لیں. داغ مٹ جائے گا.
ہائیڈروجن پیرو آکسائیڈ کو براہ راست داغ پر لگا کر 15 منٹ کے لئے چھوڑ دیں پھر دھو لیں۔
اگر داغ برقرار رہے تو کپڑے کو دھونے سے پہلے کئی گھنٹے یا رات بھر ٹھنڈے پانی میں بھگو دیں۔
استری کا نچلا حصہ سیاہ ہوگیا ہے تو وہ بار بار کپڑا جلائے گا. اس مشکل سے نجات کے لئے ایک گولی پیناڈول لیں اور استری کو اچھی طرح گرم کر کے بند کرکے اس کا پلگ نکال دیں. اب پیناڈول کو سطح پر اچھی طرح ملیں. اس بات کا دھیان رہے کہ استری گرم ہے اس لئے ہاتھ جلنے سے بچائیں. آپ دیکھیں گی کہ پیناڈول استری کی سیاہی کو ربر کی طرح مٹا رہا ہے. اچھی طرح مل کر صاف کپڑے سے پونچھ لیں.