واشنگ مشین تھوڑی پرانی ہوجائے تو چلتے ہوئے آواز کرنے لگتی ہے. یا پھر چلتے چلتے رکنا شروع ہوجاتی ہے. لوگ اس بات سے گھبرا کر مشین فوراً مرمت کروانے لے جاتے ہیں کئی ہزار خرچ کر ڈالتے ہیں. جب کہ یہی کام گھر بیٹھے خود بھی کیا جاسکتا ہے. آئیے آپ کو بتاتے ہیں کہ کیسے؟
مشین کے اندر ایک قسم کا پہیہ موجود ہوتا ہے جس کے گھومنے سے ہی مشین چلتی ہے. اکثر اس میں زنگ لگ جاتا ہے.
ایک پیچ کس کی مدد سے اس پہیے کو کھولیں. اگر زنگ کی وجہ سے نہ کھل رہا ہو تو سفید سرکہ تھوڑا سا پہیے کے اسکرو پر ڈالیں.
پانچ منٹ میں زنگ خود اتر جائے گا اور اسکرو آسانی سے کھل جائے گا. اب پہیے کی پلیٹیں الگ کر کے دیکھیں اندر بہتزیادہ کچرا اور زنگ موجود ہوگا. اس کو اچھی طرح برش یا کپڑے سے صاف کر کے نیچے والی پلیٹ پر موٹر سائیکل والا تیل لگائیں اور اسکرو ٹائٹ کر دیں.
دوسری وجہ مشین کے اندر موجود بئیرنگ میں زنگ لگنا ہوتی ہے. ان پر بھی گریس یا تیل لگایا جاسکتا ہے. ان بئیرنگز کو بئیرنگ پلر کی مدد سے تبدیل بھی کیا جاسکتا ہے.