آپ نے دیکھا ہوگا کہ گھر میں موجود پانی کی بڑی بوتلوں اور گیلنوں میں گندگی جم سی جاتی ہے جو کہ بظاہر پانی میں حل نہیں ہوتی لیکن اس میں کئی طرح کے جراثیم ہوتے ہیں جو کہ پیٹ میں جا کر آپ کی صحت پر برا اثر ڈالتے ہیں اور ساتھ ہی یہ گندگی بوتل/گیلن دیکھنے میں ناگوار گزرتی ہے۔
تو آئیے آج آپ کو بتاتے ہیں ان بڑی بوتلوں کو آسانی سے صاف کرنے کا طریقہ کیا ہے جو آپ کے کام آئے۔
گیلن یا بڑی بوتل صاف کرنے کا طریقہ:
۔ سب سے بوتل کو خالی کرلیں اور اس میں آدھی بوتل سفید سرکہ، بیکنگ سوڈا اور ڈش واشر ڈال کر ہلائیں۔
۔ اب اس میں آدھی پیالی چاول ڈال کر خوب ہلائیں تا کہ وہ پوری بوتل میں پھیل جائے۔
۔ اسے ایک آدھ گھنٹے کیلیئے چھوڑ دیں اور بار بار اچھے سے ہلاتے رہیں۔
۔ تھوڑا سا لیکویڈ بوتل سے نکال کر اسی سے باہری حصے کو اسپنج اور برش کی مدد سے صاف کریں اور بعد میں اندر سے بھی صاف کرلیں۔
۔ آخر میں پانی سے دھولیں، آپ کا گیلن بلکل چمک جائے گا اور جراثیم کا بھی صفایا ہوجائے گا۔