آج کل ہر دوسرے گھر میں پلاسٹک کی ٹینکی کا استعمال کیا جاتا ہے۔ اور گھروں میں اب پانی کے لئے پلاسٹک کے پائپ اور ٹوٹیوں کا استعمال زیادہ بڑھ گیا ہے مگر دھوپ تیز ہونے کی وجہ سے یہ پلاسٹک کی چیزیں چٹخ جاتی ہیں۔ ان میں نشانات پڑ جاتے ہیں اور اگر پانی کی ٹینکی کہیں سے بھی لیک ہو جائے یا اس میں سے پانی نکلنا شروع ہو جائے تو یہ ایک بڑا نقصان ہے۔ ایسے میں بڑے نقصان اور مہنگے خرچے سے بچنے کے لئے آپ کو بتانے جا رہے ہیں ایک آسان ٹپ۔
ٹپ:
٭ بازار میں 150 روپے کا بہترین واٹر پروف ڈیول کوور ٹیپ ملتا ہے جو بھاری چیزوں کو جوڑنے کے لئے استعمال کیا جاتا ہے۔ آپ بھی اپنے واٹر ٹینک اور پائپوں کو جوڑنے کے لئے اس ٹیپ کا استعمال کریں اور اپنی چیزوں کو لمبے عرصے تک محفوظ بنائیں۔ مزید تفصیل کے لئے یہ ویڈیو ملاحظہ کریں:
٭ اگر آپ کی پانی کی ٹینکی چھت پر اس جگہ رکھی ہوئی ہے جہاں سے اس پر براہِ راست دھوپ لگتی ہے تو آپ ایک اور کام بھی کرسکتے ہیں کہ اس پر المونیم اور پلاسٹر آف پیرس سے بنی ایک شیٹ لگالیں، جس سے ٹینکی پر نہ تو دھوپ لگے گی اور نہ ہی یہ جلدی خراب ہوگی۔ اس کا ایک فائدہ یہ بھی ہے کہ اس طرح سے آپ کو تیز گرمی میں بھی ٹینکی سے ٹھنڈا پانی مل سکے گا۔