کپڑوں پر داغ لگنا کوئی نئی بات نہیں ہے، بچے ہوں یا بڑے کپڑے سب ہی گندے کرتے ہیں۔ پر میلے کپڑے تو دھلنے کے بعد صاف ہوجاتے ہیں لیکن اکثر ان پر لگے چائے، کافی، خون، اور زنگ وغیرہ کے داغ دھبے آسانی سے نہیں نکلتے اسی لیئے ان کپڑوں کو ڈرائی کلین کروانے دینا پڑتا ہے۔

آج کل جس حساب سے مہنگائی ہوگئی ہے ایسے میں انسان سوچتا ہے کہ کسی طرح بس پیسے بچا لے، تو آج ہم اپنی بہنوں کیلیئے لائے ہیں ایک ایسی ٹپ جس سے انکے ڈرائی کلین کے پیسے بچ سکتے ہیں

زنگ کے داغ نکالنے کا طریقہ:

کاسٹک سوڈا:

زنگ کے داغ نکالنے کیلیئے کاسٹک سوڈا ایک اچھا آپشن ہے، لیکن اسکو استعمال کرتے وقت گلوز لازمی پہنیں تا کہ آپکے ہاتھوں کو نقصان نہ ہو

آپ کو کرنا یہ ہے کہ ایک گلاس پانی میں 1 چمچ کاسٹک سوڈا ڈال کر دونوں کو ملا کر 2 منٹ کیلیئے رکھ دیں، اب جہاں زنگ کا داغ لگا ہو اس حصے کو 10 سے 15 ااس پانی میں بھگو کر رکھ دیں پھر برش سے رگڑ کر سرف سے دھو لیں۔ داغ تقریباً نکل جائے گا

امونیہ سولوشن

یہ ہر میڈیکل اسٹور سے با آسانی مل جاتا ہے، اسے داغ والی جگہ پر لگا کر تھوڑی دیر چھوڑ دیں پھر لیموں کو آدھا کاٹ کر اس جگہ پر رگڑیں جہاں آپ نے سولوشن لگایا تھا اسکے بعد سرف ڈال کر پھر رگڑیں۔ اب گرم پانی میں سرف ڈال کر اس کپڑے کو دھو لیں۔ زنگ کا داغ نکل جائے گا