زبیدہ آپا نے ہمیشہ اپنے چاہنے والوں کو ہزاروں ٹوٹکے اور ٹپس بتائے ، کہیں کھانوں کے ذائقے بڑھائے تو کہیں عام زندگی کی مزیدار کارآمد ٹپس بھی بتائیں۔ وومن کارنر کی ٹپس اینڈ ٹرکس میں ہم آپ کو مختلف ٹوٹکے بتانے جا رہے ہیں جو زبیدہ آپا نے اپنی زندگی میں کچن سے متعلق بتائے۔

٭ کوفتے مزیدار بنانے کا طریقہ:

کوفتوں کو مزیدار بنانے کے لئے آپ سب سے پہلے قیمے میں پیاز اور ہری مرچ ڈال کر کررکھیں اور اس کی گولیاں بنا کر پہلے فرائی کرلیں، اس کے بعد مصالحے میں بھون لیں، یہ مزیدار بنیں گے۔

٭ مچھلی:

مچھلی ذائقہ دار بنانے کے لئے اس کو بغیر دھوئے سرکہ اور نمک لگا کر 10 منٹ رکھ دیں اور پھر دھو کر پکائیں نہ اس میں مہک آئے گی اور نہ ذائقہ خراب ہوگا، یہ بالکل لاجواب بنے گی۔

٭ پلاؤ:

پلاؤ مزیدار بنانے کے لئے اس میں جب آپ چاولوں میں دم دینے کے لئے رکھتی ہیں تو ایک کپڑے کی پوٹلی بنائیں اس میں سونف، کالی مرچ اور لیموں کٹا ہوا رکھ دیں اور اس پوٹلی کو باندھ کر چاولوں میں ڈال دیں یوں پلاؤ کی خؤشبو لاجواب آئے گی اور آپ کو کھانے میں مزہ بھی آئے گا۔

٭ کھیر:

کھیر بنانے کے لئے لیکوئیڈ دودھ کے ساتھ ساتھ 2 کپ خشک پاؤڈر والا دودھ شامل کرکے اچھیط رح گھونٹ لیں، یہ مکھن جیسی لاجواب بنے گی۔

٭ گلاب جامن:

گلاب جامن گھر میں بنانے کے لئے آپ میدہ، ڈبل روٹی کا چورا، مکھن، گھی اور سوجی 1 کپ بھنی ہوئی اچھی طرح مکس کرکے دودھ ڈال کر رکھ دیں اور پھر اس کی گول بالز بنا کر فرائی کریں یہ بہترین بنیں گی۔