سابق کپتان اور آل راؤنڈر شاہد آفریدی نے بتا دیا کہ اگر ان کی زندگی پر فلم بنی تو اس میں کون سے اداکار ہیرو ہوں گے؟
شاہد آفریدی کے مطابق ان کی خواہش ہے کہ ان کا کردار بالی ووڈ اسٹار عامر خان نبھائیں۔ شاہد آفریدی نے مزید کہا کہ اگر فلم انگلش میں بنے تو پھر وہ ہالی وڈ ایکشن ہیرو ٹام کروز کو اپنا کردار ادا کرتا دیکھنا چاہیں گے۔
واضح رہے دنیائے کرکٹ میں بوم بوم آفریدی اور مداحوں میں لالہ کے نام سے مشہور شاہد آفریدی انٹرنیشنل کرکٹ کو خیر باد کہہ چکے ہیں اور ان دنوں وہ اپنا زیادہ تر وقت فلاحی سرگرمیوں میں گزارتے نظر آرہے ہیں۔