گزشتہ روز راولپنڈی میں پاکستان اور زمبابوے کے پہلے ون ڈے کے دوران پاکستانی کھلاڑیوں نے نمازِ مغرب پانی کے وقفے کے دوران گراؤنڈ میں ہی ادا کی، سوشل میڈیا پر نماز ادا کرنے والے کھلاڑیوں کی تصاویر وائرل ہو رہی ہیں۔
گراؤنڈ میں ہی نماز ادا کرنے والے کھلاڑیوں میں فخر زمان، عابد علی، افتخار احمد اور محمد رضوان شامل ہیں۔
ان تمام کھلاڑیوں نے گراؤنڈ میں نماز مغرب ادا کی۔ راولپنڈی اسٹیڈیم میں کھیلے گئے میچ کی دوسری اننگز میں جب زمبابوے ٹیم ہدف کا تعاقب کر رہی تھی تو پانی کے وقفے کے دوران کرکٹرز نے نماز ادا کر کے مداحوں کے دل جیت لیے۔
یاد رہے اس سے قبل بھی 2019 میں پاکستان کرکٹ بورڈ (پی سی بی) کے زیر اہتمام پاکستان ون ڈے کپ کے دوران دفاعی چیمپئن فیڈرل ایریاز کے کرکٹر محمد رضوان کی گراﺅنڈ میں نماز ادا کرنے کی تصویر سوشل میڈیا پر وائرل ہوگئی تھی۔