کراچی……ثانوی تعلیمی بورڈکراچی کے اعلامیہ کے مطابق میٹرک سالانہ اور ضمنی امتحانات 2018 کے(پکا) سرٹیفکیٹ جاری کر دیئے گئے ہیں۔ یہ سرٹیفکیٹ بغیرکسی فیس کے31؍ مئی 2021تک حاصل کئے جا سکتے ہیں۔ سیکریٹری میٹرک بورڈ نے کہا ہے کہ بورڈ سے الحاق شدہ تمام اسکول کورونا وباء کے باعث ایس اوپیز کا خیال رکھتے ہوئے جلد از جلد اپنے بااختیار نمائندے کو شناختی کارڈ کی فوٹو کاپی، آفس کارڈ اور اتھارٹی لیٹر کے ساتھ دی گئی تاریخ سے پہلے میٹرک بورڈ کے متعلقہ سیکشن گراؤنڈ فلور کمرہ نمبر 23بلاک B میں بھیج کر سرٹیفکیٹ حاصل کر سکتے ہیں ۔ بورڈ سے الحاق شدہ تمام اسکولوں کو ہدایت کی جاتی ہے کہ وہ طلباء وطالبات کو سرٹیفکیٹ جاری کرتے وقت کسی بھی قسم کی فیس وصول نہ کریں۔