بلوچستان حکومت نے تعلیمی اصلاحات کے تحت پرائمری سطح پر اسکول یونیفارم کی شرط ختم کرنے کی منظوری دے دی ہے۔
وزیراعلیٰ بلوچستان سرفراز بگٹی کی زیر صدارت اجلاس ہوا جس میں تعلیمی ترقی اور شرح خواندگی میں اضافے کے لیے مختلف اہم فیصلے کیے گئے۔
اجلاس میں صوبے کے 900 اسکولوں میں ڈبل شفٹ تدریسی نظام شروع کرنے کا بھی فیصلہ کیا گیا تاکہ زیادہ سے زیادہ بچوں کو تعلیم کے مواقع فراہم کیے جا سکیں۔
اس موقع پر وزیراعلیٰ سرفراز بگٹی نے کہا کہ تمام فعال سرکاری اسکولوں میں ٹاٹ کلچر ختم کرکے ہر اسکول کو ڈیسک فراہم کیے جائیں گے۔یہ اقدامات بلوچستان میں تعلیمی معیار بہتر بنانے اور اسکولوں میں داخلے کی شرح بڑھانے کے لیے کیے جا رہے ہیں۔