بیچلر آف ڈینٹل سرجری (بی ڈی ایس) میں داخلہ لینے والے طلبہ کے لیے اہم پیش رفت سامنے آئی ہے۔ پنجاب میں بی ڈی ایس ڈگری پروگرام کا دورانیہ چار سال سے بڑھا کر پانچ سال کر دیا گیا ہے۔
یونیورسٹی آف ہیلتھ سائنسز نے تعلیمی سال 2025-26 سے تمام سرکاری اور نجی الحاق شدہ ڈینٹل کالجوں میں نیا پانچ سالہ مربوط نصاب متعارف کرانے کا اعلان کیا ہے۔
حکام کے مطابق اس تبدیلی کا مقصد ڈینٹل تعلیم کو بین الاقوامی معیار سے ہم آہنگ کرنا، طلبہ کی کلینیکل تربیت کو بہتر بنانا اور گریجویٹس کے لیے بیرونِ ملک تعلیم، ملازمت اور پروفیشنل لائسنسنگ کے مواقع میں اضافہ کرنا ہے۔