طلباء نے حکومت سے امتحانات نہ کرنے کا مطالبہ کیا تھا لیکن حکومت نے اس فیصلے کو پہلے مسترد کیا اور پھر اختیاری مضامین کا امتحان لینے کا فیصلہ کیا تھا جوکہ نویں ، دسویں اور ہائز سیکنڈری جماعتوں کے لئے اب بھی لاگو ہے۔ لیکن نرسری سے آٹھویں جماعت کے طلباء و طالبات کے لئے وفاقی حکومت نے بڑا فیصلہ سنا دیا۔
وفاقی حکومت نے نرسری سے ساتویں جماعت کے بچوں کر پروموٹ کرنے اور آٹھویں جماعت کے مخصوص مضامین میں امتحانات کے لئے تاریخوں کا اعلان کردیا۔
انہوں نے 18 جولائی سے 2 اگست تک گرمیوں کی چھٹیوں کا نوٹیفکیشن بھی جاری کیا ہے۔
لیکن سندھ کے کئی اسکولوں میں اساتذہ نے امتحانات لے لئے ہیں اور جنہوں نے نہیں لئے وہ اب بچوں کو پروموٹ کریں گے اور معمول سے آسان امتحان لیں گے، البتہ سرکاری اسکولوں میں امتحان نہیں ہوں گے، نجی اسکول اپنے سلیبس کے حساب سے امتحانات لیتے ہیں، مگر وفاقی حکومت کی جانب سے ان پر اس معاملے میں کوئی پابندی نہیں ہے کیونکہ یہ آن لائن امتحانات بھی لے رہے ہیں۔ واضح رہے کہ امتحانات سے مطابق وفاقی و صوبائی حکومت ایک پیج پر ہے۔ لیکن گرمی کی چھٹیوں کے حوالے سے سندھ حکومت نے بچوں کو کوئی خوشخبری نہیں سنائی ہے۔