شعیب ملک کے صاحبزادے اذہان مرزا ملک کی طبعیت کچھ دنوں سے ناساز ہے جس کے متعلق ثانیہ مرزا نے بھی کل انسٹاگرام پر ایک پوسٹ شیر کی تھی جس میں لکھا تھا کہ “جب آپ کا بچہ بیمار ہو اور دو گھنٹے سو رہا ہو“ اس کے ساتھ ہی ثانیہ نے اپنی ایک چھوٹی سی ویڈیو بھی شئیر کی۔
البتہ آج شعیب ملک نے بھی بنگلہ دیش میں کھیلی جانے والی ٹی ٹوئنٹی انٹرنیشنل سیریز چھوڑنے کا اعلان کیا ہے۔ پی سی بی کے مطابق شعیب ملک آج ڈھاکہ سے دبئی کی طرف روانہ ہوجائیں گے۔ شعیب نے ٹی ٹوئنٹی اسکواڈ چھوڑنے کی وجہ بیٹے کی ناسازی طبعیت بتائی ہے۔ شعیب ملک کے سیریز چھوڑنے کے بعد ان کی جگہ آج افتخار احمد کو کھلائے جانے کا امکان ظاہر کیا جارہا ہے۔