کچھ دن پہلے بابر اعظم اور امام الحق کی بچہ گود میں اٹھائے ویڈیوز وائرل ہوئی تھیں اور آج دونوں کو رکشے پر سوار دیکھا جاسکتا ہے۔ لیکن آخر پاکستان کرکٹ ٹیم کے یہ دو ہونہار کھلاڑی چلے کدھر کو ہیں؟
دراصل امام الحق نے اپنے ٹوئٹر اکاؤنٹ پر چند تصاویر پوسٹ کی ہیں جن میں وہ رکشے کے اندر ہیں جبکہ بابر اعظم باہر کھڑے ہوئے ہیں۔ امام الحق نے ان تصاویر کا کیپشن بھی دیا ہے کہ “کتھے جانا اے“ ساتھ ہی انھوں نے بابر اعظم کو ٹیگ بھی کیا ہے۔
واضح رہے کہ پاکستان کرکٹ ٹیم گال پہنچ چکی ہے۔ جہاں پاکستان اور سری لنکا کے درمیان پہلا ٹیسٹ اتوار سے شروع ہوگا۔ جہاں کھلاڑی آج آرام کریں گے اور کل سے پہلے ٹیسٹ میچ کی تیاری شروع ہوگی۔