سری لنکا کیخلاف آئی سی سی چیمپئن شپ کے پہلے ٹیسٹ میں قومی ٹیم کے اسٹار امام الحق کے شاندار سپرمین کیچ کی ویڈیو نے سوشل میڈیا پر دھوم مچادی۔
گال ٹیسٹ میں آغا سلمان کی گیند پر شارٹ لیگ پر کھڑے امام الحق نے سدھیرا سمارا وکرما کا شاندار کیچ پکڑا جس کی وجہ سے سدھیرا 36 رنز بنا کر پویلین لوٹ گئے، سوشل میڈیا پر امام الحق کے اس سپر مین کیچ کی ویڈیو وائرل ہورہی ہے۔
پاکستان کرکٹ ٹیم کے سابق کپتان انضمام الحق کے بھتیجے امام الحق اس وقت قومی ٹیم کے اہم رکن ہیں، بطور بلے باز امام الحق آئی سی سی کی ٹاپ ٹین رینکنگ کا حصہ بھی بن چکے ہیں۔
امام الحق کو ان کے چاچا انضمام الحق کی وجہ سے پرچی اور سفارش کے طعنے بھی ملتے رہے تاہم امام الحق نے ہمیشہ اپنی پرفارمنس سے تنقید کا جواب دیا۔
گال ٹیسٹ میں امام الحق کی شاندار فیلڈنگ کی ویڈیو نے شائقین کو پرجوش کردیا ہے اور امام الحق کے فین اس ویڈیو کو ہزارو ں کی تعداد میں شیئر کرچکے ہیں اور یہ ویڈیو اب تک لاکھوں لوگ دیکھ چکے ہیں۔