گزشتہ روز پاکستان ٹیسٹ اسکواڈ کے پلیئرز نے دوسری بار بھارت کو شکست دے کر ایمرجنگ ایشیا کپ جیت لیا جس کے بعد قومی ٹیم کے کپتان بابر اعظم، شاہین آفریدی، سرفراز اور حسن علی نے نوجوان پلیئرز کا ہوٹل پہنچنے پر شاندار استقبال کیا۔ ویڈیو دیکھیں
ویڈیو میں دیکھا جاسکتا ہے کہ ہوٹل پہنچتے ہی شاہین آفریدی نے ٹرافی تھامے کھلاڑیوں کو آگے بڑھ کر گلے لگا لیا جبکہ وہیں کیک کا انتظام بھی کیا گیا تھا اور پھر تمام کھلاڑیوں کے ساتھ مل کر کیک کاٹا گیا اور سینئیر کھلاڑیوں نے فاتحین کو اپنے ہاتھ سے کیک کھلایا۔
واضح رہے کہ اے سی سی مینز ایمرجنگ ایشیا کپ کا فائنل کل کولمبو میں کھیلا گیا جس میں پاکستان کے 353 رنز کے تعاقب میں بھارت کی ٹیم 40 اوورز میں 224 رنز بناکر آوٹ ہوگئی اس طرح پاکستان نے بھارت کو 128 رنز سے شکست دے دی۔