"یہ صرف انڈیا میں ہی نہیں ہوتا ہم نے ماضی میں بھی یہ چیزیں دیکھی ہیں۔ لیکن ویمن کرکٹ میں اتنا جارحانہ رویہ دیکھنے میں نہیں آتا۔ بھارتی ویمن کرکٹ ٹیم کی کپتان نے تو حد ہی کردی ہے۔ آئی سی سی نے سزا دے کر مستقبل کے لئے ایک مثال قائم کی. کھلاڑی صرف کھیلتے ہوئے جارحانہ ہوسکتے ہیں البتہ بھارتی کپتان کا رویہ غیر مناسب تھا“
یہ سخت تنقیدی الفاظ پاکستان کے سابق لیجنڈ شاہد آفریدی کے ہیں جنھوں نے بنگلہ دیش کے خلاف میچ میں اسٹمپ توڑنے اور امپائروں سے بدتمیزی کرنے پر بھارت کی ویمن کرکٹ ٹیم کی کپتان ہرمن پریت کور کو آڑے ہاتھوں لے لیا ہے۔
واضح رہے کہ ہرمن پریت پر آئی سی سی کی جانب سے نہ صرف 2 میچز کی پابندی عائد دی گئی ہے بلکہ میچ فیس کا 50 فیصد جرمانہ بھی عائد کیا گیا ہے۔
ہرمین کور نے ہندوستانی اننگز کے 34 ویں اوور میں ناہیدہ اکٹر کی گیند پر ایل بی ڈبلیو آؤٹ ہونے کے بعد غصے میں اسٹمپ کو توڑ دیا۔ واپس جاتے ہوئے انھوں نے امپائر سے بھی بدتمیزی کی۔