سعودی فٹ بال کلب الہلال کے کوچ جارج جیسوس نے پیر کی رات اپنی خوشی کا اظہار کیا جب ان کی ٹائٹل جیتنے والی ٹیم نے الوحدہ کو 1-2 سے شکست دے کر سعودی پرو لیگ سیزن 24-2023 بغیر کوئی میچ ہارے ختم کیا۔
عرب نیوز کے مطابق پرتگالی کوچ جارج جیسس نے کہا کہ وہ ریاض کی فٹبال کلب الہلال کے مضبوط اور ناقابل تسخیر کھلاڑیوں کے ساتھ اپنے کیریئر کے بہترین دنوں سے لطف اندوز ہو رہے ہیں۔سعودی پرو لیگ میں الہلال کلب نے 34 میچ کھیلے جن میں 31 میچ جیتے اور 3 میچ برابر رہے اس طرح کلب نے 96 پوائنٹس حاصل کر کے ریکارڈ قائم کر دیا۔سعودی پرو لیگ میں الہلال کلب کے آخری میچ میں الوحدہ کلب کے خلاف کھیلتے ہوئے محمد کینو نے 19ویں منٹ میں ٹیم کو برتری دلا دی جو کہ ہاف ٹائم تک برقرار رہی تاہم الوحدہ کے یحییٰ النجی نے 77ویں منٹ میں گول کر کے میچ برابر کر دیا۔الہلال کلب کے سربین کھلاڑی الیگزینڈر میتروک نے میچ کے اختتام سے قبل انجری ٹائم کے دوسرے منٹ میں شاندار گول کر کے ٹیم کو فتح دلاتے ہوئے الہلال کو ’ناقابل تسخیر‘ بنا دیا۔الہلال کے ناقابل تسخیر کھلاڑیوں کے ساتھ لطف اندوز ہوا ہوں۔ فوٹو انسٹاگرامکوچ جارج جیسس نے کہا ’ہم سعودی پرو لیگ سیزن کو غیر معمولی بنانے کے لیے لیگ میں اپنے آخری میچ کو فتح کے ساتھ ختم کرنے کے خواہشمند تھے۔ہماری کلب نے اپنے آخری میچ میں کامیابی حاصل کر کے سعودی پرو لیگ کو بھی بغیر کسی نقصان کے ختم کیا۔ناقابل شکست کامیابی کے ساتھ ہماری خوشی انتہا سے زیادہ ہے۔ فوٹو عرب نیوزکوچ جارج جیسس نے بتایا کہ میں نے اپنے کوچنگ کیریئر کے دوران بہت سے فٹ بال کلبز کے ساتھ متعدد خوشگوار لمحات گزارے لیکن الہلال کے ساتھ تجربہ شاندار رہا۔خاص طور پر اس پرو لیگ سیزن کے غیر معمولی اختتام پر الہلال کی ناقابل شکست کامیابی کے ساتھ میری خوشی انتہا سے زیادہ ہے۔