الجزائر کی باکسر ایمان خلیف خواتین کے زمرے میں پیرس اولمپکس2024 میں گولڈ میڈل حاصل کرنے کے مقابلے میں آگے بڑھنے کے لیے منگل کو ہونے والا سیمی فائنل مقابلہ جیت گئیں۔
اے ایف پی نیوز ایجنسی کے مطابق ایمان خلیف نے تھائی لینڈ کی جانجیم سوانا فینگ کو 66 کلوگرام کے زمرے میں متفقہ پوائنٹس کے فیصلے میں شکست دے کر فائنل میں پہنچ گئیں۔الجزائری باکسر سونے کے تمغے کے لیے جمعہ 9 اگست کو عوامی جمہوریہ چین کی باکسر یانگ لیو سے مقابلہ کریں گی۔ایمان خلیف اور سوانا فینگ کے مقابلے میں ابتداء ہی سے الجزائری باکسر مدمقابل پر قابو پانے میں کامیاب رہیں اور فتح کا اعلان ہوتے ہی تماشائیوں نے ایمان، ایمان کے نعرے لگا کر خوشی کا اظہار کیا۔