راولپنڈی ٹیسٹ ، انگلینڈ کی آدھی ٹیم پویلین لوٹ گئی، بیٹنگ جاری

image

راولپنڈی ٹیسٹ میچ میں تیسرے دن کے کھیل کا آغاز ہو گیا، اب تک پاکستان کی میچ پر گرفت مضبوط ہے۔

دوسرے روز کھیل کے اختتام پر انگلینڈ نے اپنی دوسری اننگز میں 3وکٹوں کے نقصان پر24رنز بنائے تھے۔دوسری اننگز میں انگلینڈ کے کھلاڑی بین ڈکٹ 12 رنز،زیک کرالی دو رنز اوراولی پوپ صرف ایک رن بنا کرآوٹ ہوئے۔

کھیل کے دوسرے دن پاکستان کی جانب سے نعمان علی نے دو جبکہ ساجد خان نے ایک وکٹ حاصل کی۔

دل تو کرتا ہے ہر دن سنچری کی جائے لیکن ایسا ہوتا نہیں، سعود شکیل

راولپنڈی ٹیسٹ میچ میں انگلینڈ کی جانب سے تیسرے دن کے کھیل کا آغاز جوروٹ اور ہیری بروک نے کیا۔ ہیری بروک 26 رنز بنا کر نعمان علی کی گیند پر محمد رضوان کے ہاتھوں کیچ آئوٹ ہوئے۔

ان کے بعد آنے والے بین اسٹوکس بھی نعمان علی کا شکار بنے اس طرح انگلینڈ کی پانچویں وکٹ 70 کے مجموعی اسکور پر گری۔

انگلینڈ نے پانچ وکٹوں کے نقصان پر74 رنز بنا لئے ہیں، پاکستان کی پہلی اننگز کی برتری ختم کرنے کے لئے اب بھی انگلش ٹیم کو 3 رنز درکار ہیں۔


News Source   News Source Text

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Follow US