کراچی میں دو دریا کے قریب سمندر میں 3 افراد کے ڈوب جانے کی اطلاع ہے۔
ترجمان ایدھی کا کہنا ہے کہ بحری خدمات کی ٹیم روانہ کردی گئی، پولیس کے مطابق واقعہ ایمار ٹاور کے قریب پیش آیا ہے۔ ایک شخص نے دو بچوں سمیت گہرے سمندر میں چھلانگ لگائی ہے، امدادی ٹیمیں پہنچ گئی ہیں، ڈوبنے والے افراد کی تلاش جاری ہے۔
جبکہ عینی شاہدین کا کہنا ہے کہ بچوں کی عمریں بمشکل 6،7 برس تھیں. ایک بچہ گرا تو دوسرا بھاگنے لگا لیکن مرد نے اس کو بھی پکڑ لیا. افسوس ناک واقعہ 3 بجے پیش آیا.