پاکستان کرکٹ بورڈ نے بنگلادیش کی طرف سے تین ملکی ٹورنامنٹ کھیلنے کی دعوت کو منع کردیا ہے۔
بنگلہ دیش کرکٹ بورڈ نے پی سی بی کو دعوت نامہ بھیجا تھا کہ وہ دسمبر میں ایک ٹی ٹوئنٹی ٹرائینگلر سیریز میں سری لنکا اور بنگلہ دیش کے ساتھ حصہ لے۔
پی سی بی عہدیدار کے مطابق دعوت نامہ اس لیے قبول نہیں کیا گیا کیونکہ کئی کھلاڑیوں کو این او سی جاری کی گئی ہے کہ وہ آسٹریلیا میں ہونے والے بگ بیش لیگ میں اور دبئی میں ہونے والے ایمریٹس انٹرنیشنل لیگ میں کھیل سکتے ہیں۔
انہوں نے دوسری وجہ یہ بھی بتائی کہ پاکستان کرکٹ بورڈ اپنے کھلاڑیوں کو بین الاقوامی کرکٹ سے تھوڑا آرام بھی دینا چاہ رہا تھا کیونکہ 2026 میں پاکستان کی ٹیم کو سخت مقابلوں کا سامنا ہے اور کھلاڑیوں کی فٹنس کا خیال رکھنا بورڈ کی ذمہ داری ہے۔
یاد رہے کہ اس وقت پاکستان ٹیم سری لنکا سے ایک او ڈی آئی سیریز کھیل رہی ہے اور اس کے بعد پھر سری لنکا، زمبابوے کے ساتھ ایک ٹی ٹوئنٹی ٹرائی سیریز میں بھی حصہ لے گی یہ سارے میچز راولپنڈی میں کرائے جائیں گے۔