سہ ملکی ٹی ٹوئنٹی سیریز میں پاکستان کے ہاتھوں زمبابوے کو 69 رنز سے شکست کا سامنا کرنا پڑا۔
راولپنڈی میں کھیلے گئے میچ میں پاکستان نے زمبابوے کے خلاف ٹاس جیت کر پہلے بیٹنگ کا فیصلہ کیا۔ پاکستان نے پہلے بیٹنگ کرتے ہوئے مقررہ 20 اوور میں پانچ وکٹ پر 195 رنز اسکور کیے۔ بابر اعظم 74 اور صاحبزادہ فرحان 63 رنز بنا کر نمایاں رہے۔
ہدف کے تعاقب میں زمبابوے کی ٹیم 126 رنز بنا کر آؤٹ ہوگئی۔ زمبابوے کے ریان برل نے نصف سنچری بنائی۔
پاکستان کے عثمان طارق نے ہیٹ ٹرک سمیت 4 کھلاڑیوں کو آؤٹ کیا۔ محمد نواز نے دو وکٹیں حاصل کیں۔
زمبابوے کے خلاف میچ میں پاکستانی ٹیم میں دو تبدیلیاں کی گئیں۔ عثمان طارق اور نسیم شاہ پلیئنگ الیون میں شامل کیےگئے جبکہ سلمان مرزا اور ابرار احمد کو ڈراپ کیا گیا۔
پاکستان نے اپنے پہلے میچ میں زمبابوے کو 5 وکٹوں سے شکست دی تھی، جبکہ گزشتہ روز سری لنکا کو 7 وکٹوں سے ہرایا تھا۔