شہید بینظیر آباد کے بے قابو ڈاکوؤں نے 2 پولیس افسران سے وردی، پولیس ڈائری ودیگر سامان لوٹ لیا۔
ڈکیتی کی واردات تھانہ پنھل خان چانڈیو کی حدود میں پیش آئی، دلیل دیرو کے مقام پر دو مسلح ڈاکوؤں نے ایڈشنل ایس ایچ او اور انویسٹی گیشن افسر سے یونیفارم، بیلٹ، پولیس ڈائری، اور دیگر سامان چھن لیا اور فرار ہوگئے۔
ذرائع کے مطابق لٹنے والے دونوں پولیس افسران امن و امان کے حوالے سے نواب شاہ میں منعقدہ میٹنگ سے واپس سکرنڈ جارہے تھے۔
متاثرہ پولیس افسران کا کہنا تھا کہ بلکل ہمارے ساتھ ڈکیتی ہوئی، مزید بیان نہیں دے سکتے۔
ذرائع کا کہنا ہے کہ پولیس واقعے کو چھپانے کی کوشش کررہی ہے، اور واقعہ کا مقدمہ درج نہ کرنا بھی اس کی دلیل ہے، ذرائع کا کہنا ہے کہ ڈاکوؤں سے پولیس لوٹا گیا سامان برآمد کرانے کیلیے سرگرم ہے اور مختلف حربے استعمال کررہی ہے۔