لاہور میں اپنی بیوی اور بیٹی کو قتل کرنے کے الزام میں گرفتار ڈی ایس پی عثمان حیدر کو مدعیان کو دھمکانے کے مقدمے میں کینٹ کچہری میں پیش کیا گیا۔
پولیس نے ملزم کو جسمانی ریمانڈ مکمل ہونے کے بعد جوڈیشل مجسٹریٹ علی اکبر کی عدالت میں پیش کیا، جہاں وکیل مدعی نصیر کمبوہ نے عدالت کو بتایا کہ ملزم سے ابھی پستول ریکور کرنا باقی ہے۔ تفتیشی افسر انسپکٹر عالم نے عدالت کو آگاہ کیا کہ ملزم کے خلاف مزید تفتیش درکار ہے۔
عدالت نے استدعا منظور کرتے ہوئے ملزم کا مزید تین روزہ جسمانی ریمانڈ دے کر اسے پولیس کے حوالے کردیا تاکہ تفتیش مکمل کی جاسکے۔