این سی سی آئی اے اور حساس اداروں نے مشترکہ کارروائی کرتے ہوئے ڈی ایچ اے فیز 6 اور ڈی ایچ اے فیز 1 میں چھاپے مار کر غیر ملکی شہریوں کو گرفتار کرلیا۔
کارروائی کے دوران اہم اور حساس ڈیجیٹل مواد برآمد کیا گیا، جس کی مدد سے ایک منظم پونزی اسکیم نیٹ ورک کا پردہ فاش ہوا۔ ابتدائی تحقیقات کے مطابق اس مالی فراڈ کے باعث ہزاروں شہری متاثر ہوئے ہیں۔
اداروں کا کہنا ہے کہ نیٹ ورک سے منسلک دیگر افراد کی نشاندہی کرلی گئی ہے، جن کے خلاف قانونی کارروائی جاری ہے جبکہ مزید گرفتاریاں بھی متوقع ہیں۔
حکام کے مطابق عوام کو جعلی سرمایہ کاری اسکیموں سے ہوشیار رہنے کی ہدایت کی گئی ہے۔