ایران کا فیفا ورلڈ کپ 2026 کی قرعہ اندازی کا بائیکاٹ، جانیے وجہ کیا بنی؟

image

ایران نے امریکا کی جانب سے ویزے جاری نہ کرنے پر 5 دسمبر کو واشنگٹن میں ہونے والی فیفا ورلڈ کپ 2026 کی قرعہ اندازی میں شرکت نہ کرنے کا اعلان کر دیا ہے۔

ایرانی فٹبال فیڈریشن کے ترجمان عامر مہدی علوی نے بتایا کہ ایرانی وفد اس تقریب میں شریک نہیں ہوگا کیونکہ امریکا نے ٹیم کے ہیڈ کوچ سمیت صرف چار آفیشلز کو ویزے جاری کیے جبکہ فیڈریشن کے صدر مہدی تاج کو ویزا نہیں دیا گیا۔

ترجمان نے امریکی اقدام کو کھیلوں کے اصولوں کی خلاف ورزی قرار دیا اور کہا کہ ایران نے اپنے اس فیصلے کے بارے میں فیفا کو آگاہ کر دیا ہے۔

یاد رہے کہ ایران نے مارچ میں فیفا ورلڈ کپ 2026 کے لیے کوالیفائی کیا تھا اور اب امریکا کی ویزا پابندی کی وجہ سے ایرانی ٹیم کی قرعہ اندازی میں غیر موجودگی ممکن ہے۔


Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Follow US