پاکستان کا سری لنکا کے خلاف ٹاس جیت کر فیلڈنگ کا فیصلہ

image

تین ملکی ٹی ٹوئنٹی ٹورنامنٹ کے فائنل میں پاکستان نے سری لنکا کے خلاف ٹاس جیت کر پہلے فیلڈنگ کا فیصلہ کیا ہے۔

پاکستان ٹیم میں ایک اہم تبدیلی کی گئی ہے، فاسٹ بولر شاہین شاہ افریدی پلینگ الیون میں واپس آگئے ہیں۔

ٹاس کے بعد پاکستان کے کپتان سلمان علی آغا نے کہا کہ وہ فائنل کے دباؤ کو خود پر نہیں لیں گے اور ٹیم نارمل گیم کھیلنے کی کوشش کرے گی۔انہوں نے کہا کہ اگر ہم اس فائنل کو ایک نارمل میچ کی طرح کھیلیں اور 40 اوورز تک اپنے پلان پر قائم رہیں تو ہم یہ میچ جیت سکتے ہیں۔

دوسری جانب سری لنکا نے لیگ کے آخری دو میچز جیت کر فائنل میں جگہ بنائی ہے اور اپنے پچھلے میچ میں پاکستان کو شکست دے چکے ہیں۔سری لنکن کپتان داسن شناکا نے کہا کہ پچھلی جیت نے ان کے کھلاڑیوں کا اعتماد مزید بڑھا دیا ہے اور وہ فائنل کے لیے مکمل طور پر تیار ہیں۔

تین ملکی ٹورنامنٹ کا یہ اہم فائنل راولپنڈی اسٹیڈیم میں کھیلا جا رہا ہے۔


Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Follow US