سابق ٹیسٹ کرکٹر محمد الیاس لاہور میں انتقال کر گئے، ان کی عمر 79 برس تھی۔
فیملی ذرائع کے مطابق محمد الیاس جگر کے کینسر میں مبتلا تھے، چند روز قبل سرجری کے بعد ان کی حالت تشویشناک ہوگئی تھی، وہ آج لاہور میں خالق حقیقی سے جا ملے۔
محمد الیاس نے 10 ٹیسٹ میچز میں پاکستان کی نمائندگی کی، انھوں نے 82 فرسٹ کلاس میچز بھی کھیلے۔
محمد الیاس پاکستان کرکٹ بورڈ میں چیف سلیکٹر بھی رہے ہیں۔
علاوہ ازیں محمد الیاس قومی سلیکشن کمیٹی کے رکن جونیئر سلیکشن کمیٹی اور ویمن کرکٹ سلیکشن کمیٹی کے بھی ہیڈ رہے۔