این سی سی آئی اے سائبر کرائم سرکل نے اے ٹی ایم فراڈ کرنے والے منظم گروہ کے ارکان کو گرفتار کرلیا۔
مرکزی ملزمہ عاصمہ منہاج کو چنیوٹ سے گرفتار کیا گیا جبکہ نشاندہی پر اسلام آباد کے علاقے مہرآبادی سے دیگر ارکان بھی پکڑے گئے۔
آپریشن کے دوران کئی اے ٹی ایم اور ڈیبٹ کارڈز سمیت دیگر مواد برآمد ہوا۔ گروہ اے ٹی ایم بوتھس پر کارڈ کی تبدیلی اور متاثرین کے بینک کھاتوں سے نقد رقم نکالنے میں ملوث تھا۔ نیٹ ورک کے خلاف کریک ڈاؤن جاری ہے اور مزید گرفتاریاں متوقع ہیں۔
ملزمہ پہلے سے بھی اشتہاری تھی اور مختلف مقدمات میں مطلوب تھی۔