بنگلادیش نے ٹی ٹوئنٹی ورلڈ کپ کے وینیوز کے معاملے پر دورہ کرنے والے آئی سی سی وفد میں شامل بھارتی سینئر ایگزیکٹو کو ویزا دینے سے انکار کر دیا ہے۔
آئی سی سی کے دو رکنی وفد میں ہیڈ آف اینٹی کرپشن اینڈ سیکیورٹی اینڈریو ایپہگریو اور بھارتی سینئر ایگزیکٹو شامل تھے، تاہم بنگلادیش نے صرف اینڈریو ایپہگریو کو ویزا جاری کیا۔
وفد کا دورہ دو روزہ تھا اور اس کا مقصد ورلڈ کپ کے وینیوز میں تبدیلی پر بات چیت کرنا تھا۔
بھارتی میڈیا کے مطابق اینڈریو ایپہگریو آج بنگلادیش پہنچیں گے۔ بنگلادیش نے سیکیورٹی خدشات کے باعث ورلڈ کپ کے لیے بھارت نہ جانے کا بھی اعلان کر رکھا ہے، جس سے ٹیم کی شرکت پر ڈیڈ لاک برقرار ہے۔